Nôs Cultura

Soma n ôdja la Pedra Badejo
Pergunta patoti Cutelinho
Sela cabalo bua na Silim
Pâ bá Santantoni la Belém

É nhu Santantoni
Nhu Santantoni la Belém
É nhu Santantoni
Nhu Santantoni la Belém

Nôs nomi nôs cultura
Nos tradiçon qui nunca nu dexa
Tâ mostra identidade
D'um Africano pegadu na raiz

Na busca, na bascudja
N bá cai na fundo nôs spiraçon
Sprito bem alma xintam
Ta lembra padroera rubera

Um séncia um xintido
Bóca praga ca pega na nau
Nha spiraçon é spiritual
Ta medita na norma di nha desejo

Um fé, um Africano
Nôs camponês ta vivi di sperança
Faci fé bú bá directo
Ma compasso limite é quel mé

Mal dado nú ca mesti
Intimidano també
Dja nú cônchi nôs direito
Dexanu faci mó qui nu ntendi

Sodade dja dam sodade
N ta lembra tempu Rubrom Manel
Corneta tabanka quintalona
Papai de braga corri cabalo

Século passado na tempo dez
Nu pôba goberno corri cabalo
Algema t'inda nú ca crê más,
Nú ta luta pa bem di nós direito

Sodade dja dam sodade
N ta lembra tempo cabalarista
Sodade noti Montero
Guentis Sarrado di Tombatoro

Sodade dja dam sodade
N ta lembra tempo di Fronti Prera
Sodadi guentis Montero
Di pé di monte Rubon Manel